اعلن هنا
أكاديمية الصقر للتدريب
أعلن هنا
أعلن هنا
أعلن هنا
أعلن هنا



أهلا وسهلا بك زائرنا الكريم في أكاديمية الصقر للتدريب، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .





الحلقة الثامنة VBA - النافذة الفورية Immediate

السلام عليكم ورحمة الله وبركاته نستكمل سرد حلقات الVBA فى الحلقة الثامنة للأستاذ العلامه ياسر خليل السلام عليكم ورحمة ا ..



20-03-2018 04:30 مساء
Eslam Abdullah
menu_open
مشرف قسم الاكسيل
rating
معلومات الكاتب ▼
تاريخ الإنضمام : 03-10-2017
رقم العضوية : 852
المشاركات : 610
الجنس : ذكر
تاريخ الميلاد : 1-9-1995
الدعوات : 2
يتابعهم : 3
يتابعونه : 37
قوة السمعة : 3836
الاعجاب : 1038
 offline 
السلام عليكم ورحمة الله وبركاته
نستكمل سرد حلقات الVBA فى الحلقة الثامنة للأستاذ العلامه ياسر خليل


السلام عليكم ورحمة الله وبركاته
 





أسعد الله أوقاتكم إخواني الكرام
 
هنتكلم النهاردة عن نافذة مهمة جدا ومهمشة في الشروحات إلى حد كبير .. النافذة اسمها (النافذة الفورية Immediate Window)
 
ودي بتفكرني بالخميرة الفورية .. تلاقي ست البيت مستعجلة ع العجين ، ومعندهاش صبر ، كتر خيرها وراها فيس بوك مش فاضية للعجين ، تقوم تستخدم الخميرة الفورية عشان العجين يخمر بسرعة ..(واحد هيقولي إنت شكلك شغال في فرن) !
 
نفس الفكرة معانا بردو مع النافذة الفورية اللي هنتكلم عليها ، بمعنى لو فيه سطر معين من الأكواد عايز تشوف نتيجته بشكل فوري ، يبقا هو دا المكان المناسب عشان تحصل على النتيجة السريعة ..
 
أولاً قبل ما ننسى وياخدنا الكلام ، إحنا بنظهر النافذة دي من قايمة View ثم Immediate Window ، واللي هيركز هيلاقي الاختصار الخاص بيها CTRL + G
 
بتظهر النافذة دي أسفل المحرر ودي من ضمن هيكلة محرر الأكواد ، ممكن تتحكم في حجمها من خلال سهم بيظهر في المربع الأحمر في الصورة دي :
 
TCTINrUIDxv5Mut

المهم هي دي النافذة الفورية ، بصراحة أداة رائعة للي يفهمها كويس ، ممكن من خلالها تنفيذ الأكواد بشكل سريع ، وممكن تجاوبك على الأسئلة بشكل فوري وهنشوف الكلام ده بالأمثلة ، وبتستخدم لتصحيح الأخطاء البرمجية Debugging ، وكمان تستخدم لإظهار نتائج الكود ....

الكلام النظري مش هيفيد زي العملي .. فلنبدأ الحلقة :

أولا هنشتغل محققين (أخيرا الواحد ياخد وضعه - مش هنفضل كدا ملطشة دايما ، إحنا اللي دايما بنتسأل ) إحنا نسأل وهو يجاوب ، ومننساش الإجابة هتكون فورية ...
طبعاً كل اللي ظاهر قدامنا مجرد مؤشر الماوس واقف في أول النافذة .. إحنا اتعودنا إن السؤال دايما بيكون آخره علامة الاستفهام ، هنا الوضع مختلف ، إحنا هنحط علامة الاستفهام في الأول عشان نخض النافذة كأننا بنقولها انتبهي هسألك ، وجاوبي في الحال :


نكتب مثلاً السطر التالي (نكتبه يا كابتن حسام مش ننسخه)
?Rows.Count

أو
? Rows.Count
ممكن بعد علامة الاستفهام نترك مسافة أو لا نترك ، الأمر سيان ، وممكن مؤشر الماوس يكون في نهاية السطر أو في أي مكان داخل السطر ، الأمر سيان .. بعد ما نكتب نضغط Enter نلاقي الإجابة في التو وفي الحال (ونعم النافذة المطيعة)
 
السطر اللي فات هيعد عدد الصفوف في ورقة العمل (1048576) .. الإجابة هتكون من غير أقواس

? Columns.Count

عدد الأعدمة في ورقة العمل ، الإجابة (16384)
 
محدش يجرب يعد الخلايا لأن دا هيسبب حاجة اسمها Overflow (جرب بنفسك هيطلع لك رسالة خطأ)
 
نجرب نعد أوراق العمل

? Worksheets.Count

أو
? Sheets.Count

نجرب نفتح مصنفين مثلا ونجرب السطر التالى
? Workbooks.Count

السطر الأخير لعد المصنفات المفتوحة!!
ناخد أمثلة تانية ، هو مفيش غير أسئلة العد دي blink لا طبعا الأسئلة كتير ، بس أنا بقول بالمرة نتعلم أسطر جديدة عشان نستفيد منها في التطبيق العملي
 
طيب نخلي نافذة الإكسيل ونافذة المحرر جنب بعض زي ما اتعلمنا قبل كدا ، ونضع في الخلية A1 القيمة 100 ، وبعدين كليك يمين وتنسيق خلايا ، ونخلي تنسيق الخلية كعملة بالجنيه المصري مثلاً ، ونلونها باللون الأصفر بلاش الأحمر اللي الناس هتبدأ تتعقد منه ،  ونخلينا واقفين في الخلية A1 بحيث تكون الخلية هي الخلية النشطة ActiveCell..
نرجع للفورية (النافذة الفورية إنتو لحقتو تنسوا !! ربنا يستر عليكم من
? Range("A1").Value
ونجرب السطر التالي لمعرفة تنسيق الخلية اللى هيا الخليه النشطة A1
? ActiveCell.NumberFormat

ونكتب السطر التالي لمعرفة عرض العمود للخلية النشطة:
? ActiveCell.ColumnWidth

ونكتب السطر التالي لمعرفة عنوان الخلية النشطة:
? ActiveCell.Address

ونكتب السطر التالي لمعرفة رقم اللون الداخلي للخلية النشطة (مش لون الخط Font):
? ActiveCell.Interior.Color

ونكتب السطر التالي لمعرفة اسم ورقة العمل اللي موجودة فيه الخلية النشطة :
? ActiveCell.Parent.Name

في السطر الأخير الكلمة Parent في اللغة الإنجليزية معناها (أحد الوالدين .. وأنا هترجمها الأم ؛ لأن الأم متوصي عليها 3 مرات) ، فالخلية النشطة جزء صغير من الحضن الكبير اللي هو ورقة العمل ، فبالتالي الخلية بمثابة الابن ، وورقة العمل بمثابة الأم ، ففي السطر اللي فات عايزين نعرف اسم الأم للخلية النشطة (واحد هيقولي النتيجة هتطلع كريمة مختار ..ما هي بتطلع بدور الأم دايما ) .. أنا بالفعل خليت اسم الشيت (كريمة مختار) فطلعت النتيجة (كريمة مختار) بس الاسم من غير أقواس ..

أنا طولت في الجزئية اللي فاتت عشان نقدر نستفيد كمان من الأكواد المختلفة عشان نبدأ نتقدم في مرحلة التعلم بشكل أسرع (وعشان كمان عجباني شغلانة المحقق دي بصراحة ..أنا أسأل وهو يجاوب !!)

ننتقل لجزئية تانية : النافذة دي ليها دور تاني غير اللي عملناه من شوية ، إننا نقدر من خلالها ننفذ الكود مباشرة ، بس بشرط يكون الكود سطر واحد
 
ناخد مثال تطبيقي عملي ، ونكتب السطر التالي لتغيير لون التاب Tab (التبويبات المختلفة لأوراق العمل) - مننساش قبل ما نضغط إنتر نبص على لون التبويب لورقة العمل النشطة ActiveSheet :

ActiveSheet.Tab.Color = vbRed

لو معجبكش اللون خليه vbYellow ، ولا تزعل نفسك يا اسلام !!
 
السطر ببساطة بيتعامل مع ورقة العمل النشطة (مش الخلية النشطة نخلي بالنا) وبعدين Tab للتعامل مع التبويبات لأوراق العمل ، وأخيراً Color لتحديد قيمة للون التاب ، ونخلي القيمة اللون اللي يناسبنا .. بكدا نعرف معلومة جديدة إننا ممكن ننفذ الكود من خلال النافذة الفورية ، ونشوف نتيجة تنفيذه في ورقة العمل مباشرةً..
 
نجرب السطر التالي لتنسيق عرض الأعمدة من A إلى D بمقدار 5 :

Columns("A:D").ColumnWidth = 5

ونكتب السطر التالي لجعل ورقة العمل المسماة Sheet1 مخفية :
Worksheets("Sheet1").Visible = False

أو
Sheets("Sheet1").Visible = False

ولإظهارها بنغير القيمة False إلى القيمة True .. وممكن نستغنى عن القيمتين دول ، لو عايزين نتعلم الصح هنا .. هنتعلم من خلال الأسطر القادمة التعامل مع الخاصية Visible >>
 
بالنسبة للخاصية Visible ممكن نحط لها قيمة من 3 قيم : -1 أو xlSheetVisible (لإظهار ورقة العمل ...)
 
* القيمة 0 أو xlSheetHidden (لإخفاء ورقة العمل ..)
 
* القيمة 2 أو xlSheetVeryHidden (لإخفاء ورقة العمل ..)
 

محدش منتبه ليه ؟ شكلي كدا هبطل الحلقات بسبب عدم التركيز .. القيمة 0 والقيمة 2 للخاصية Visible نفس الوظيفة (طبعا ً لا .. طبعاً لأ) أمال ايه الموضوع ؟ ايه الفرق؟
 
القيمة 0 ، دا إخفاء عادي ، يعني ممكن لو أي مستخدم عنده خبرة وعمل كليك يمين على التاب الخاص بأسماء أوراق العمل ، هيلاقي الأمر Unhide ، هيضغط عليه هيلاقي الورقة المخفية ، فيقوم يظهرها ..
 
أما القيمة 2 ، فدا الإخفاء السوبر
(زي التطشيب السوبر لوكس) ، دا بقا يخلي المستخدم لو عمل كليك يمين في المكان اللي قلنا عليه ، هيلاقي الأمر Unhide مش أكتيف مش نشط ..!
 
ولإظهار الورقة في هذه الحالة لابد من الدخول على محرر الأكواد ، ومن النافذة properties (ودي لو مش ظاهرة بنضغط F4 تقوم تطل علينا بطلعتها البهية ) ، هنحدد ورقة العمل المسماة Sheet1 ونشوف نافذة الـ Properties في آخرها هنلاقي الخاصية Visible نختار منها أول اختيار الخاص بإظهار ورقة العمل ..
 
أو نستخدم الكود لإظهارها ..
 
السطر اللي المفروض نكتبه هيكون بالشكل ده :

Sheets("Sheet1").Visible = -1

خلاصة الجزئية اللي فاتت إننا ممكن ننفذ الأكواد عن طريق النافذة السحرية (أنا حر في تسميتها ..بلاش تعترض يا مدحت)
 
ننتقل لجزئية جديدة ، مع اسستخدام جديد للنافذة العبقرية ، ألا وهي تصحيح الأخطاء البرمجية (ودا الاستخدام الشائع ليها) ودا بيطلق عليه Debugging ..
 
الأخطاء البرمجية بيطلق عليه Bugs (بق : لأن البق حشرة ضارة ، زيها زي الخطأ البرمجي ضار بالكود)
 
قبل ما نسرد في الشرح نتعرف على كائن اسمه Debug ودا بيستخدم في الأكواد عشان يطبع (بس مش على ورق ..أمال هيطبع على ايه ؟؟ هيطبع النتائج في النافذة الفورية) ، والخاصية المرتبطة بهذا الكائن الخرافي اسمها Print ، ونرجع تاني بالذاكرة عشان نتذكر المعلومة اللي ذكرناها عن الفعل Print إنه m*ethod ..
 
ناخد مثال عملي عشان نفهم إزاي نستخدم الكائن Debug ، أدرج موديول جديد ، وضع فيه هذا الإجراء الفرعي :

Sub ErrorCode()
    MyRandomNumber = Rnd() / 0
  End Sub

فيه دالة بالإكسيل اسمها Rand لعمل أرقام عشوائية بين الصفر والواحد ، ولو حبينا تكون الأرقام العشوائية بين الصفر والعشرة مثلاً نضرب * 10
 
داخل ورقة العمل قم بتحديد مجموعة خلايا واكتب المعادلة التالية ثم اضغط Ctrl + Enter ، ولتجربة المعادلة اضغط F9

=RAND()*10

المقابل للدالة دي في محرر الأكواد Rnd ووراها قوسين ، يعني الاختلاف في حرف واحد زيادة في الدالة (يا عم بيل جيتس يعني فرقت معاك في الحرف ده ، ما كنت خلتها نفس الحروف !!)
 
يرجع مرجعونا للكود : المتغير وضعنا له قيمة رقم عشوائي على صفر (وعارفين في الرياضيات أنه لا يمكن القسمة على صفر) يعني هذه القيمة تعتبر باطلة :imsorry:
 
ننفذ الكود هنلاقي رسالة خطأ بتقول : Divison By Zero ، نضغط على إنهاء للخروج من نافذة الخطأ
 
.. ممكن واحد مذاكر شوية يقول فيه جملة أنا حافظها عشان أتلاشى رسالة الخطأ :

On Error Resume Next

والجملة دي نحطها قبل السطر اللي فيه الخطأ البرمجي ..
 
دلوقتي لو نفذنا الكود هنلاقي إن مفيش حاجة حصلت ، طيب نضيف سطر أخير زي كدا :

Sub ErrorCode()
    On Error Resume Next
    MyRandomNumber = Rnd() / 0
    Debug.Print Err.Description
End Sub

End Sub السطر الأخير بيتعامل مع النافذة الفورية ، ننفذ الكود وعنينا على النافذة الفورية .. نفذتوا الكود :: نلاحظ الجملة دي ظهرت في النافذة الفورية Division by zero ، ودي وصف للخطأ البرمجي الموجود داخل الكود ..
 
كلمة Err دي اختصار لكلمة Error (خطأ) ، وبعدين نقطة فتظهر الخواص المرتبطة بكلمة Err ، هنلاقي كلمة Description ودي معناها وصف .. خلاصة لكلام وصف الخطأ .
 
والناتج هيظهر لي في النافذة الفورية ..
 
معلومة تانية ، ممكن ننفذ الكود من خلال النافذة الفورية عن طريق أمر اسمه Call وبعديه مسافة متبعة باسم الإجراء الفرعي أو الدالة بهذا الشكل

Call ErrorCode()

وممكن نكتب القوسين أو منكتبهمش الأمر سيان !!
 
ناخد مثال تاني على دالة UDF دالة معرفة ، ودي اتكلمنا عليها الحلقة اللي فاتت ..
 
هنعمل دالة بسيطة على السريع ، عشان نطبقها في النافذة الفورية :

Function MyName() As String
    MyName = "YasserKhalil"
End Function

 
نكتب ايه في النافذة الفورية ؟؟ في حالة الإجراء الفرعي من شوية كتبنا الأمر Call متبوع بمسافة وبعدين اسم الإجراء الفرعي عشان أقدر أنفذ الكود داخل النافذة الفورية ، أما بالنسبة للدالة Function فبنستخدم علامة استفهام في البداية
? MyName

جرب الأمر Call قبل MyName وجرب تشيله مرة ، هتلاقي مفيش نتيجة تظهر لك .. الشكل الصحيح في السطر اللي فات وبس
 
يبقا نخلي بالنا في حالة استدعاء الإجراء الفرعي بنستخدم Call ، أما في حالة الدوال فبنستخدم علامة استفهام قبل اسم الدالة ..
 
نرجع تاني للكائن Debug هل الكائن الخرافي ده مرتبط بالأخطاء فقط ؟؟ الإجابة لا ، هو بييجي وراه كلمة Print لطباعة أي نتائج ..

 
وكمثال أخير عشان الحلقة طولت :

Sub PrintX()
    For X = 1 To 5
        Debug.Print X
    Next X
End Sub

 
في الكود الموجود يا عبد الودود فيه حاجة في الـ VBA اسمها الحلقة التكرارية ، ودي مش هشرحها ، لأن فيه موضوع في توقيعي خاص بالحلقة التكرارية For.. Next ، ومرفق بالموضوع ملف فيديو في المشاركات (يرجى الرجوع إليه ..)
 
ما بين سطرين الحلقة التكرارية الأمر اللي بيقوم بطباعة قيمة المتغير X في النافذة الفورية .. ركز في النافذة السحرية هتلاقي النتايج الفورية ، على ما خلصت الحلقة ديا أنا طلعت عينيا ..
 
يارب تكونوا استفدتوا بنسبة 100% ، وإلى لقاء مع حلقة مفيدة ومجدية ، أترككم في حفظ الله .
 
مثال آخر : لمزيد من التوضيح (مثال بدون شرح) >> حلقة تكرارية لأوراق العمل الموجودة داخل المصنف << (الواجب تنفيذ الكود وشرحه)

Sub List_Sheets()
    Dim WS As Worksheet
        For Each WS In Worksheets
            Debug.Print WS.Name
        Next WS
End Sub

 
كان معكم المحقق أبو البراء من نيابة الصقر .. 1
 
والسلام حسن الختام ... 
wink_3
 
 


أثارت هذه المشاركة إعجاب: الصقر، amaar، ظفر الله عسكر، محمد الدسوقى، YasserKhalil، mahmoud ayad،





21-03-2018 08:02 صباحا
مشاهدة مشاركة منفردة [1]
الصقر
menu_open عضوية موثقة
مراقب عام
rating
معلومات الكاتب ▼
تاريخ الإنضمام : 21-08-2017
رقم العضوية : 2
المشاركات : 1114
الجنس : ذكر
الدعوات : 7
يتابعهم : 0
يتابعونه : 287
قوة السمعة : 7896
الاعجاب : 1934
 Online 
look/images/icons/i1.gif الحلقة الثامنة VBA - النافذة الفورية Immediate

جزاكم الله خيرا اخى وحبيبى اسلام
والشكر موصول للحبيب ابوبراء 
فى ميزان حسناتكم يارب 
123


أثارت هذه المشاركة إعجاب: amaar، YasserKhalil،




21-03-2018 08:31 صباحا
مشاهدة مشاركة منفردة [2]
amaar
menu_open
عضو نشيط
rating
معلومات الكاتب ▼
تاريخ الإنضمام : 14-02-2018
رقم العضوية : 4350
المشاركات : 58
الجنس : ذكر
تاريخ الميلاد : 1-1-1987
يتابعهم : 9
يتابعونه : 2
قوة السمعة : 173
الاعجاب : 64
 offline 
look/images/icons/i1.gif الحلقة الثامنة VBA - النافذة الفورية Immediate
احسنت استاذ / اسلام
ما شاء الله عليك شرح جميل ورائع
تحياتي
وياريت لو عند حضرتك قناة يوتيوب عليها الشرح دا صوت وصوره عشان اتابع حضرتك

142

أثارت هذه المشاركة إعجاب: Eslam Abdullah، YasserKhalil،


توقيع :amaar
113سبحان الله وبحمده سبحان الله العظيم113



21-03-2018 08:53 صباحا
مشاهدة مشاركة منفردة [3]
Eslam Abdullah
menu_open
مشرف قسم الاكسيل
rating
معلومات الكاتب ▼
تاريخ الإنضمام : 03-10-2017
رقم العضوية : 852
المشاركات : 610
الجنس : ذكر
تاريخ الميلاد : 1-9-1995
الدعوات : 2
يتابعهم : 3
يتابعونه : 37
قوة السمعة : 3836
الاعجاب : 1038
 offline 
look/images/icons/i1.gif الحلقة الثامنة VBA - النافذة الفورية Immediate
مشكور لمرورك الطيب أستاذى الحبيب حسام 81





21-03-2018 08:58 صباحا
مشاهدة مشاركة منفردة [4]
Eslam Abdullah
menu_open
مشرف قسم الاكسيل
rating
معلومات الكاتب ▼
تاريخ الإنضمام : 03-10-2017
رقم العضوية : 852
المشاركات : 610
الجنس : ذكر
تاريخ الميلاد : 1-9-1995
الدعوات : 2
يتابعهم : 3
يتابعونه : 37
قوة السمعة : 3836
الاعجاب : 1038
 offline 
look/images/icons/i1.gif الحلقة الثامنة VBA - النافذة الفورية Immediate
مشكور لمرورك أستاذ عمار
الشرح يخص أستاذ ياسر خليل كما نوهت فى البدايه
أنا لم أفعل سوى لصق الموضوع وتنسيقه لا أكثر
وبالفعل أستاذنا الكبير لديه قناه تعد كنز من كنوز الvba
قناة yasser khalel excel lover

أثارت هذه المشاركة إعجاب: amaar، YasserKhalil،




21-03-2018 12:12 مساء
مشاهدة مشاركة منفردة [5]
amaar
menu_open
عضو نشيط
rating
معلومات الكاتب ▼
تاريخ الإنضمام : 14-02-2018
رقم العضوية : 4350
المشاركات : 58
الجنس : ذكر
تاريخ الميلاد : 1-1-1987
يتابعهم : 9
يتابعونه : 2
قوة السمعة : 173
الاعجاب : 64
 offline 
look/images/icons/i1.gif الحلقة الثامنة VBA - النافذة الفورية Immediate
اشكرك استاذ اسلام

أثارت هذه المشاركة إعجاب: Eslam Abdullah،


توقيع :amaar
113سبحان الله وبحمده سبحان الله العظيم113



21-03-2018 02:44 مساء
مشاهدة مشاركة منفردة [6]
amaar
menu_open
عضو نشيط
rating
معلومات الكاتب ▼
تاريخ الإنضمام : 14-02-2018
رقم العضوية : 4350
المشاركات : 58
الجنس : ذكر
تاريخ الميلاد : 1-1-1987
يتابعهم : 9
يتابعونه : 2
قوة السمعة : 173
الاعجاب : 64
 offline 
look/images/icons/i1.gif الحلقة الثامنة VBA - النافذة الفورية Immediate
ممكن لينك القناه استاذ اسلام لو سمحت لاني مش عارف اوصل ليها من خلال البحث بالاسم

أثارت هذه المشاركة إعجاب: Eslam Abdullah،


توقيع :amaar
113سبحان الله وبحمده سبحان الله العظيم113



21-03-2018 05:33 مساء
مشاهدة مشاركة منفردة [7]
Eslam Abdullah
menu_open
مشرف قسم الاكسيل
rating
معلومات الكاتب ▼
تاريخ الإنضمام : 03-10-2017
رقم العضوية : 852
المشاركات : 610
الجنس : ذكر
تاريخ الميلاد : 1-9-1995
الدعوات : 2
يتابعهم : 3
يتابعونه : 37
قوة السمعة : 3836
الاعجاب : 1038
 offline 
look/images/icons/i1.gif الحلقة الثامنة VBA - النافذة الفورية Immediate

أثارت هذه المشاركة إعجاب: amaar، YasserKhalil،




21-03-2018 11:31 مساء
مشاهدة مشاركة منفردة [8]
محمد الدسوقى
menu_open
عضو محترف
rating
معلومات الكاتب ▼
تاريخ الإنضمام : 22-08-2017
رقم العضوية : 47
المشاركات : 306
الجنس : ذكر
تاريخ الميلاد : 14-10-1973
الدعوات : 37
يتابعهم : 7
يتابعونه : 199
قوة السمعة : 2097
الاعجاب : 492
 offline 
look/images/icons/i1.gif الحلقة الثامنة VBA - النافذة الفورية Immediate
احسنت استاذ / اسلام
ما شاء الله عليك شرح جميل ورائع وأسلوب مميز ـ معلومات رائعة
نفع الله بك دائما

أثارت هذه المشاركة إعجاب: Eslam Abdullah،




22-03-2018 12:28 صباحا
مشاهدة مشاركة منفردة [9]
Eslam Abdullah
menu_open
مشرف قسم الاكسيل
rating
معلومات الكاتب ▼
تاريخ الإنضمام : 03-10-2017
رقم العضوية : 852
المشاركات : 610
الجنس : ذكر
تاريخ الميلاد : 1-9-1995
الدعوات : 2
يتابعهم : 3
يتابعونه : 37
قوة السمعة : 3836
الاعجاب : 1038
 offline 
look/images/icons/i1.gif الحلقة الثامنة VBA - النافذة الفورية Immediate
مشكور لمرورك أستاذى الكريم محمد
والدرس يعود لأستاذى الحبيب ياسر خليل
لم أفعل سوا لصق كلامه وتنسيقه للعرض
كل الشكر يعود للأستاذ ياسر





22-03-2018 12:12 مساء
مشاهدة مشاركة منفردة [10]
amaar
menu_open
عضو نشيط
rating
معلومات الكاتب ▼
تاريخ الإنضمام : 14-02-2018
رقم العضوية : 4350
المشاركات : 58
الجنس : ذكر
تاريخ الميلاد : 1-1-1987
يتابعهم : 9
يتابعونه : 2
قوة السمعة : 173
الاعجاب : 64
 offline 
look/images/icons/i1.gif الحلقة الثامنة VBA - النافذة الفورية Immediate
شكرا علي اللينك استاذ اسلام

أثارت هذه المشاركة إعجاب: Eslam Abdullah،


توقيع :amaar
113سبحان الله وبحمده سبحان الله العظيم113



25-03-2018 01:52 صباحا
مشاهدة مشاركة منفردة [11]
YasserKhalil
menu_open عضوية موثقة
مراقب عام
rating
معلومات الكاتب ▼
تاريخ الإنضمام : 21-08-2017
رقم العضوية : 3
المشاركات : 3094
الجنس : ذكر
تاريخ الميلاد : 1-10-1978
الدعوات : 11
يتابعهم : 0
يتابعونه : 257
قوة السمعة : 8694
الاعجاب : 2905
 offline 
look/images/icons/i1.gif الحلقة الثامنة VBA - النافذة الفورية Immediate
بارك الله فيك أخي وحبيبي في الله إسلام ..
جزاك الله خير الجزاء على المجهود المبذول في إعادة نشر الحلقات .. ولعلها تفيد المبتدئين

أثارت هذه المشاركة إعجاب: amaar، Eslam Abdullah،




01-04-2018 11:26 صباحا
مشاهدة مشاركة منفردة [12]
mahmoud ayad
menu_open
عضو نشيط
rating
معلومات الكاتب ▼
تاريخ الإنضمام : 15-03-2018
رقم العضوية : 4874
المشاركات : 52
الجنس : ذكر
تاريخ الميلاد : 29-5-1982
يتابعهم : 0
يتابعونه : 0
قوة السمعة : 111
الاعجاب : 44
 offline 
look/images/icons/i1.gif الحلقة الثامنة VBA - النافذة الفورية Immediate
احسنت يا اسلام بارك الله فيك

أثارت هذه المشاركة إعجاب: YasserKhalil،






الكلمات الدلالية
Immediate ، الفورية ، النافذة ، الثامنة ، الحلقة ،


 







اخلاء مسئولية: يخلى منتدى أكاديمية الصقر للتدريب مسئوليته عن اى مواضيع او مشاركات تندرج داخل الموقع ويحثكم على التواصل معنا ان كانت هناك اى إنتهاكات تتضمن اى انتهاك لحقوق الملكية الفكرية او الادبية لاى جهة - بالتواصل معنا من خلال نموذج مراسلة الإدارة .وسيتم اتخاذ الاجراءات اللازمة.

سياسة النشر: التعليقات المنشورة لا تعبر عن رأي منتدى أكاديمية الصقر للتدريب ولا نتحمل أي مسؤولية قانونية حيال ذلك ويتحمل كاتبها مسؤولية النشر.




الساعة الآن 08:03 صباحا

أعلن هنا
أعلن هنا
أعلن هنا