أكاديمية الصقر للتدريب

اعلن هنا
أكاديمية الصقر للتدريب
أعلن هنا
أعلن هنا
صفحتنا على الفيس بوك
أعلن هنا

لوحة التميز الأسبوعي
العضو المتميز المشرف المتميز المراقب المتميز المدير المتميز الموضوع المتميز القسم المتميز
العضو المتميز
المشرف المتميز
المراقب المتميز
المدير المتميز
الموضوع المتميز
القسم المتميز
khaled alborene Eslam Abdullah لا تميز خلال هذه الفترة YasserKhalil برنامج مرتبات الصقر - الاصدار التانى - حسام خطاب اكسيل اسئله واجابات




أهلا وسهلا بك زائرنا الكريم في أكاديمية الصقر للتدريب، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .





الحلقة الرابعة المتغيرات

السلام عليكم ورحمة الله وبركاته معكم الأستاذ الكبير ياسر خليل فى رابع حلقاته من دروس الـ VBA ........................... ..



16-02-2018 02:44 مساء
Eslam Abdullah
menu_open
مشرف على لغات برمجة آخرى
rating
معلومات الكاتب ▼
تاريخ الإنضمام : 03-10-2017
رقم العضوية : 852
المشاركات : 1286
الجنس : ذكر
تاريخ الميلاد : 1-9-1995
الدعوات : 3
يتابعهم : 3
يتابعونه : 63
قوة السمعة : 7778
الاعجاب : 2215
 offline 

السلام عليكم ورحمة الله وبركاته
معكم الأستاذ الكبير
ياسر خليل
فى رابع حلقاته من دروس الـ VBA

.....................................................................................
فيه نقطة معينة في الشرح تعمدت إنى أسيبها عشان حبيت إن حد يسألني عليها بس للأسف محدش سألني ، ودا معناه إن اللي بيتابع الحلقات مجرد متلقي يعني مش فعال .. أو فعال وخايف إنه يسأل لأحسن أضربه .. متخافوش مش بضرب ولا بحب الضرب وبحب اللي يسألني ، حتى لو كان السؤال تافه .. لإن السؤال هو طريق المعرفة .. ومن غير السؤال مش هنتعلم !!
 

النقطة اللي بتكلم عليها حفظ الملف اللي فيه أكواد .. محدش فيكم جاتله رسالة زي دي؟


NDE3MTMwMQ6767001

طبعا النقطة دي كان لازم نشرحها ولازم تسألوا عليها .. طبعا أول ما بتفتح الإكسيل وتشتغل عليه بيكون الملف الافتراضي xlsx .. وطول مفيش أكواد بتتم عملية الحفظ بشكل طبيعي ، أما لو كتبت إجراء فرعي أو بمجرد كتابة اسم إجراء فرعي بس حتى لو كان جواه فاضي مفيهوش أكواد ، وجيت تحفظ هتلاقي الرسالة دي ، لأن صيغة الملف اللي بيحتوي على ماكرو مختلفة عن الصيغة العادية ، بتكون الصيغة xlsm.
 
 
طيب نعمل ايه ؟ أكبر غلطة إنك تضغط Yes مش أي حد يقولنا نعم نقوله ماشي غلط .. هنا لو ضغطت Yes هيحفظ الملف بدون أكواد .. لازم تتمرد وتضغط No وتحدد اسم الملف في حقل File Name أظن دي كلنا عارفينها ، وفي الحقل التالي فيه قايمة منسدلة بنختار منها تاني اختيار Excel Macro-Enabled ، وبكدا نقدر نحفظ الملف اللي فيه أكواد . طبعا هتلاقي ملف تاني موجود في المكان اللي فيه الملف الأول بس الصيغة مختلفة .. الحمد لله حفظنا الملف اللي هنشتغل عليه !!
نبدأ الحلقة:
 
هنرغي النهاردة عن المتغيرات .. لاحظت في كل الشروحات اللي شفتها إن درس المتغيرات بيكون دمه تقيل ورخم ؛ لأن كله بيكون غالبا نظري أكتر منه عملي وبيكون في درس واحد مرة واحدة . إحنا لأننا اتبعنا أسلوب مختلف تماما هنتكلم عنه واحدة واحدة متغير متغير ، وبالأمثلة والتطبيق ، ومش مهم الكم بقدر الكيف (ومحدش يفهم الكيف دي غلط)
 

نفهم الأول يعني ايه متغير .. يعني مش ثابت (صح يا حسام .. حد عنده إجابة تانية كله ساكت يعني مفيش غير حسام اللي عارف ..)!
 
 
لما نبدأ في عالم البرمجة ، مع الوقت هتلاقي نفسك محتاج الذاكرة إنها تخزن لك أرقام معينة أو نصوص ؛ عشان تستدعيها في وقت اللزوم ، وتبدأ تتعامل مع لما تستدعيها (ربنا يكفينا شر الاستدعاء)
 
عشان نقدر نخزن الأرقام والنصوص دي لازم نستعين بالمتغير .. ييجي المتغير ويقولنا تحت أمرك يا فندم أنا في الخدمة ، وطبعا الذاكرة بردو متأخرتش عننا في تقديم المساعدة.
 
 
بس المتغير له شروط عشان نقدر نستفيد منه ..أولاً عايز حاجة تسنده عشان بيتكسف يقف لوحده فبنستدعي كلمة اسمها Dim ، ومن غير الكلمة دي يبقا المتغير وحيد ومش هيرضى يساعدك (هي دي اللي بنعلن بيها عن المتغيرات)
 
 

ثانياً mad_1 بنديله اسم تمام .. فاكرين شروط تسميه الإجراء الفرعي تقريبا نفس شروط تسمية المتغير .. يعني مينفعش يبدأ برقم لكن ممكن الرقم ييجي بعدين في الاسم بس في أول الاسم لا .. وممنوع الحروف الخاصة زي علامة # $ % ^ & * @ عموما لو فيه حاجة غلط محرر الأكواد هيظهر لك رسالة Syntax error تعرف إن فيه حاجة غلط..
 
 
دا كان الشرط التاني للمتغير إن يكون له اسم ، تالت شرط اللي هو نوع المتغير ( ودا ضروري بس اختياري )
 
فزورة دي ..>> أيوا هو اختياري يعني ممكن ميتكتبش ومفيش مشكلة ، بس طبعا ذوي الخبرة يعرفوا إن كدا محرر الأكواد بيحدد نوعه بردو ، بس بيحدده نوع اسمه Variant ودا له ميزة وعيب .. ميزته إنك لو مش عارف نوع المتغير بيكون دا الافتراضي وبيعفيك من تعريف نوع المتغير .. وعيبه إنه بيستهلك مساحة كبيرة في الذاكرة .. يعني لما ربنا يكرمكم وتكتبوا أسطر كتيرة من الأكواد لو معرفناش نوع المتغير ، هيكون الكود بطيء جدا yes مقارنة بإننا نعرف الكود بنوع محدد ..!
 

عشان كدا قلنا إنه ضروري يعني هو اختياري ، بس ممكن إحنا نخليه إجباري ؛ عشان نتعود على الصح من البداية (مش كدا ولا ايه!)
 
طيب إحنا هنعرف نوعه إزاي ؟؟ إنت اللي بتحدد نوعه حسب ما تريد وهنتعرف على الأنواع بس بالراحة عليا ..أنا أحب أرغي وآخد وقتي في الرغي قبل ما أكمل
 
 
بكدا نكون عرفنا شكل السطر اللي هيتم الإعلان فيه عن المتغير ، هيكون ببساطة بالشكل اللي جاي حالا
 
هنفترض إني هخزن في الذاكرة رقم صحيح وهنسميه MyNumber

Dim MyNumber As Integer

أيوا نحفظ بقا الشكل دا كويس ونشوف الشروط اللي قلنا عليها انطبقت ولا لا ! أول شرط الكلمة Dim اللي هتخلي المتغير ميخافش ، وتاني شرط اسم المتغير وهو هنا MyNumber ودا أنا اللي سميته مش محرر الأكواد عشان محدش يفكر إنه لازم يكون بالاسم ده يعني الاسم إنت حر فيه إن شا الله تسميه (مكرونة) ، وبعدين هنلاقي كلمة من حرفين As ودي متكلمناش عليها دي اللي بتفصل بين الاسم والنوع .. صحيح الاسم مرتبط بالنوع بس لسه في مرحلة الخطوبة والخطوبة هتطول فنفصل بينهم بمحرم اللي هو As وأخيرا النوع Integer ودا بيستخدم للأرقام الصحيحة (أول نوع خلصنا منه الحمد لله)...
 

يبقا خلاصة الكلام السطر ده بنقول لمحرر الأكواد إننا هنستخدم متغير باسم MyNumber وهيكون نوعه عدد صحيح (إحنا كدا بنوفر في الذاكرة مساحة وبنخلي الكود يكون أسرع لما نحدد النوع)
 
طبعا الطالب الناصح هيقولي هو فين الرقم اللي إحنا خزناه في الذاكرة دا ملوش أثر هقوله لسه الحتة دي جاية دلوقتي .. السطر دا بس كأننا بنكلم الذاكرة ونقولها استعدي أيتها الذاكرة آتٍ إليكي متغير بهذا الاسم ومعاه بطاقة الرقم القومي بتاعته ابدأي اتعاملي معاه .. فالذاكرة تشوف اسمه لو كان اسمه صحيح تقوله اتفضل ، وتشوف نوعه وتحجز له مكان مناسب على أده .. ما هو كل نوع على أد حجمه (زي المثل اللي بيقول كل برغوت على أد دمه) ..يعني النوع Integer غلبان وصحته على أده هتحجزله مكان صغير ، أما Variant فربنا يديله الصحة هياخد مكان لا بأس به (يا ريت تكون النقطة دي بقت واضحة)
 

طيب بعد ما عرفنا المتغير .. نديله قيمة وعشان ندي قيمة قلنا قبل كدا لازم علامة = يساوي ، وتكون القيمة اللي عايزين نخزنها على اليمين بعد علامة يساوي مش قبليها ومينفعش نحط القيمة الأول كدا غلط .. عايزين نتعلم صح !
 
زي ما أخدنا في الخصائص إن كل خاصية ليها قيمة بنحددلها قيمة .. بردو المتغير بنحدد له قيمة زي كدا

MyNumber = 70

يبقا إحنا كدا حددنا قيمة المتغير بـ 70
 
طيب واحد يقولي يعني عشان أخزن الرقم 70 في الذاكرة هكتب سطرين ، طب ما نختصرهم في سطر واحد يا معلمي (طبعا هو مش معلمي بضم الميم لا دا بقولها بكسر الميم ، على أساس إننا قاعدين على قهوة) .. وبعدين يقولي هختصره كدا
Dim MyNumber As Integer = 70

 
هقوله جرب بنفسك هتلاقي محرر الأكواد أظهر لك رسالة خطأ .. اللي اشتغل على Visual Basic.Net الفكرة دي مقبولة لكن هنا في الـ VBA غير مقبولة..
 
 
طيب دلوقتي نطبق عملي السطرين اللي فاتوا .عايزين مثلا نحط قيمة المتغير في الخلية A1 >>

Range("A1").Value = MyNumber

 
الخلية A1 وبعدين نقطة متبوعة بخاصية أول مرة تقابلنا دلوقتي ، ودي مهمة جدا ومعناها القيمة Value .. يعني خلي قيمة الخلية A1 تساوي المتغير اللي اسمه MyNumber ، فيقوم محرر الأكواد يروح للذاكرة يسألها عندك متغير اسمه MyNumber ، ترد تقوله أيوا قاعد مرزوع هناك أهو .. يقوم المحرر يشده من قفاه (شكلها كدا أنا اللي هيتعمل فيا كدا النهاردة .. مش جايبها لبر من بدري عمال أقول 4 واستدعاء وشد من القفا ربنا يستر ..) المحرر يشوف قيمة المتغير اللي تم تخزينها ويحطها في الخلية A1 ..
 
اعذروني إذا كنت بشرح اللي بيحصل بالتفصيل بس التفصيل دا مهم ..
 
واحد تاني مخه شغال هيقولي طيب أنا أقدر أختصر الكود بتاعك اللي هو 3 أسطر في سطر واحد وهيطلع الناتج صح

Dim MyNumber As Integer
MyNumber = 70
Range("A1").Value = MyNumber

هيقولي بص بقا السحر أهو الكود بتاعك في سطر واحد
Range("A1").Value = 70

هقوله برافو عليك دا صحيح بس مش هو دا المهم إننا نحط القيمة 70 في الخلية A1 وخلصت الحكاية .. الفكرة إن المتغير هنستخدمه مثلا في أكتر من سطر .. وليكن هستخدمه 10 مرات .. لو أنا سمعت كلامك يا نبيه :cool2: يبقا لو حبيت أغير قيمة المتغير لـ 100 مثلا هضطر أدور على القيمة 70 في كل أسطر الكود وأغيرها 10 مرات .. لكن بالطريقة اللي قلت عليها المتغير لو حبيت أغيره هغيره مرة واحدة بس في أول الكود وخلصت الحكاية!!
 

دي نقطة نقطة تانية إن ممكن يتم على المتغير عمليات حسابية متداخلة ، فلو استعملنا القيمة من غير المتغير هيكون صعب التعامل مع الكود
 
 
طيب نجرب نحذف كلمة Dim من الكود ونخلي الكود بالشكل ده

   MyNumber As Integer
    MyNumber = 70
    Range("A1").Value = MyNumber

شيلنا كلمة Dim الغريب إن محرر الأكواد مبيديش خطأ لما بتشيلها .. لكن ساعة التنفيذ يخضك برسالة ويقولك
NDYyNzE1MQ4141002
 
معنى الكلام ده إن المتغير مينفعش يتم الإعلان عنه إلا بكلمة Dim ، وإلا سيتعبر الإعلان غير قانوني وسيتم إحالة الكود للمحاكمة (مش بقولكم مش جايبها لبر)
 
 
بكدا نكون اتعرفنا على أول نوع من المتغيرات اللي هو Integer !!

 
نتعرف سريعا على نوع تاني مشهور جدا اللي هو String ودا بيكون للقيم النصية
 
بالمثال يتضح المقال :

    Dim Myname As String
    Myname = "Yasser"
    MsgBox Myname

 
طبعا بقت الأمور أوضح دلوقتي المتغير اسمه Mname ونوعه String يعني نص .. وتم وضع القيمة النصية Yasser له ، ومننساش مع النصوص أقواس التنصيص ..
 
وآخر سطر مش محتاج إني أشرحه بس نلاحظ في آخر سطر فايدة تانية للإعلان عن المتغيرات .. هنا لما حطينا القيمة النصية Yasser وأسندناها للمتغير Myname ، لما نيجي بعد كدا نستخدمه خلاص هنرتاح من أقواس التنصيص .. وهنعتبر دي فايدة تانية
 

يلا بقا خدوا الواجب عشان أنا تعبت ...
 
1 - قم بالإعلان عن متغير بأي اسم يعجبك من أي نوع يعجبك وخليه يظهر في الخلية C5 ويظهر معاه رسالة مضمونها أنه قد تم وضع القيمة للمتغير اللي إنت سميته في الخلية C5
 
2 - قم بالإعلان عن متغيرين من النوع Integer وقم بعمل عملية جمع وناتج الجمع في الخلية E5

  
إلى لقاء مع حلقة جديدة من حلقات افتح الباب وزغردي يا رباب (دا إذا عدا اليوم بسلام ومكانش فيه استدعاء)
دمتم فى عون الله وحفظه 81




لرؤية الروابط والمرفقات عليك الرد على الموضوع


أثارت هذه المشاركة إعجاب: عبدالجيد، الصقر، Yasser Elaraby، عمار ابو محمد، lahcene،





16-02-2018 06:35 مساء
مشاهدة مشاركة منفردة [1]
عبدالجيد
menu_open
عضو محترف
rating
معلومات الكاتب ▼
تاريخ الإنضمام : 26-08-2017
رقم العضوية : 194
المشاركات : 369
الدولة : مصر
الجنس : ذكر
تاريخ الميلاد : 15-2-1986
يتابعهم : 154
يتابعونه : 26
قوة السمعة : 2480
الاعجاب : 619
موقعي : زيارة موقعي
 offline 
look/images/icons/i1.gif الحلقة الرابعة المتغيرات
ايه ياعم اسلام
انتى فاضى بقى
قاعد ترغى لما دماغى صدعت وعمال أقولك اسكت شويه عامل مش سمعنى
لدرجة ان الناس نامت ومفيش ولاتعليق
سيبك من الكلام دا كله وتعالى نتكلم فى المهم
أولا انتى اتكلمت عن حفظ الملف بصيغة الماكرو ودا كان جميل جدا بس اناعندى حل مضمون ومفعوله سريع ومش هيخليك تتعب تانى وكل الملفات اللى هتصممها بعد كده هتكون ماكرو على طول
طيب دا هنعمله ازاى
تعالى نفتح اى ملف اكسيل وعمل الاتى:
MTcxOTMyMQ22221  MTkxMjU2MQ50502

Mjk2NDI3MQ17173
وبعد كده نضغط موافق وبكده نكون خلينا الاكسيل دايما ماكرو
ثانى اشكرك جدا على هذا الرغى الرائع قصدى الشرح الرائع والموضوع دا مهم جدا لكل اللى بيفكر يشتغل على الاكواد
rolleyes wink_3 smile laugh cool biggrin2 blushing mad_1 sad no_1 yes blink 121 g 30 3 28 142 123 113 58 111




لرؤية الروابط والمرفقات عليك الرد على الموضوع


أثارت هذه المشاركة إعجاب: Eslam Abdullah، الصقر، Yasser Elaraby، عمار ابو محمد، YasserKhalil، احمدزمان،




16-02-2018 07:13 مساء
مشاهدة مشاركة منفردة [2]
Eslam Abdullah
menu_open
مشرف على لغات برمجة آخرى
rating
معلومات الكاتب ▼
تاريخ الإنضمام : 03-10-2017
رقم العضوية : 852
المشاركات : 1286
الجنس : ذكر
تاريخ الميلاد : 1-9-1995
الدعوات : 3
يتابعهم : 3
يتابعونه : 63
قوة السمعة : 7778
الاعجاب : 2215
 offline 
look/images/icons/i1.gif الحلقة الرابعة المتغيرات
ههههههههههههههه حبيبى استاذ عبدالجيد
معلومه جميله استاذ عبد الجيد , دا الوضع الافتراضى لامتداد الملف
لازم نعرف الناس الفرق بين دا ودا برضوا
وبعدين الرغى دا مش بتاعى دا الاستاذ ياسر خليل biggrin2
يارب الاستاذ ياسر ميشوفش اللى بنقوله دا هيطردنا من المنتدى 63

أثارت هذه المشاركة إعجاب: Yasser Elaraby، YasserKhalil،




16-02-2018 07:59 مساء
مشاهدة مشاركة منفردة [3]
خالد الشاعر
menu_open
عضو نشيط
rating
معلومات الكاتب ▼
تاريخ الإنضمام : 05-09-2017
رقم العضوية : 371
المشاركات : 67
الجنس : ذكر
تاريخ الميلاد : 3-7-1969
يتابعهم : 1
يتابعونه : 2
قوة السمعة : 100
الاعجاب : 37
 offline 
look/images/icons/i1.gif الحلقة الرابعة المتغيرات
استاذ اسلام
استاذ ياسر

شكرا على الشرح الممتاز

انا عملت الواجب يارب يكون صح


جزاك الله كل خيراً لرؤية الروابط والمرفقات عليك الرد على الموضوع




لرؤية الروابط والمرفقات عليك الرد على الموضوع


أثارت هذه المشاركة إعجاب: Eslam Abdullah، عبدالجيد، YasserKhalil،




16-02-2018 08:21 مساء
مشاهدة مشاركة منفردة [4]
Eslam Abdullah
menu_open
مشرف على لغات برمجة آخرى
rating
معلومات الكاتب ▼
تاريخ الإنضمام : 03-10-2017
رقم العضوية : 852
المشاركات : 1286
الجنس : ذكر
تاريخ الميلاد : 1-9-1995
الدعوات : 3
يتابعهم : 3
يتابعونه : 63
قوة السمعة : 7778
الاعجاب : 2215
 offline 
look/images/icons/i1.gif الحلقة الرابعة المتغيرات
المشاركة الأصلية كتبت بواسطة: خالد الشاعر »
استاذ اسلام
استاذ ياسر

شكرا على الشرح الممتاز

انا عملت الواجب يارب يكون صح


جزاك الله كل خيراً لرؤية الروابط والمرفقات عليك الرد على الموضوع


أولا هذا شرح أستاذى الحبيب ياسر خليل ولكنه مشغول لنشر تلك الحلقات وأوكل لى بنشرها
وبما ان الاستاذ ياسر مشغول سأقوم أنا بالاطلاع على الواجب
والواجب تم على أكمل وجه
وبالنسبه للرساله ليس من الضرورى كتابة المتغير للقيام بنفس العمليه الحسابيه مره اخره لاظهارها فى msgbox
المهم كتابة اى نص يظهر بالافاده ان قد تم المطلوب او حتى الاشاره لمحتوى الخليه زى ما عملت مع الخليه C5
وبالمره عشان ميجمعش مرتين مره فى الخليه ومره فى الرساله
ويبقى قللنا وقت تنفيذ الكود طبعا دا مش هيبان فى الكود دا ولكن هيفرق مع الاكواد الكبيره

أثارت هذه المشاركة إعجاب: عبدالجيد، خالد الشاعر، الصقر، عمار ابو محمد، YasserKhalil،




17-02-2018 08:08 صباحا
مشاهدة مشاركة منفردة [5]
الصقر
menu_open عضوية موثقة
مدير المنتدى
rating
معلومات الكاتب ▼
تاريخ الإنضمام : 21-08-2017
رقم العضوية : 2
المشاركات : 1487
الجنس : ذكر
الدعوات : 13
يتابعهم : 0
يتابعونه : 401
قوة السمعة : 12687
الاعجاب : 3106
موقعي : زيارة موقعي
 offline 
look/images/icons/i1.gif الحلقة الرابعة المتغيرات

رائع اخى اسلام واخى عبدالجيد 123



أثارت هذه المشاركة إعجاب: Eslam Abdullah، عبدالجيد،


توقيع :الصقر

اخى العضو الكريم
اذا كنت ترى ان المنتدى مفيد لك
فكن سفيرا لنا بدعوة الاخرين للانضمام معنا
فالدال على الخير كفاعله



17-02-2018 10:22 صباحا
مشاهدة مشاركة منفردة [6]
عبدالجيد
menu_open
عضو محترف
rating
معلومات الكاتب ▼
تاريخ الإنضمام : 26-08-2017
رقم العضوية : 194
المشاركات : 369
الدولة : مصر
الجنس : ذكر
تاريخ الميلاد : 15-2-1986
يتابعهم : 154
يتابعونه : 26
قوة السمعة : 2480
الاعجاب : 619
موقعي : زيارة موقعي
 offline 
look/images/icons/i1.gif الحلقة الرابعة المتغيرات
بارك الله فيك استاذ حسام
هذا من بعض ماعندكم
فنحن تلاميذك ونحاول أن نمشى على خطاك

أثارت هذه المشاركة إعجاب: الصقر، Eslam Abdullah،




17-02-2018 10:27 صباحا
مشاهدة مشاركة منفردة [7]
الصقر
menu_open عضوية موثقة
مدير المنتدى
rating
معلومات الكاتب ▼
تاريخ الإنضمام : 21-08-2017
رقم العضوية : 2
المشاركات : 1487
الجنس : ذكر
الدعوات : 13
يتابعهم : 0
يتابعونه : 401
قوة السمعة : 12687
الاعجاب : 3106
موقعي : زيارة موقعي
 offline 
look/images/icons/i1.gif الحلقة الرابعة المتغيرات
المشاركة الأصلية كتبت بواسطة: عبدالجيد »
بارك الله فيك استاذ حسام
هذا من بعض ماعندكم
فنحن تلاميذك ونحاول أن نمشى على خطاك

حبيبى كلنا طلبة علم  yes

أثارت هذه المشاركة إعجاب: عبدالجيد، Eslam Abdullah،


توقيع :الصقر

اخى العضو الكريم
اذا كنت ترى ان المنتدى مفيد لك
فكن سفيرا لنا بدعوة الاخرين للانضمام معنا
فالدال على الخير كفاعله



17-02-2018 12:13 مساء
مشاهدة مشاركة منفردة [8]
Eslam Abdullah
menu_open
مشرف على لغات برمجة آخرى
rating
معلومات الكاتب ▼
تاريخ الإنضمام : 03-10-2017
رقم العضوية : 852
المشاركات : 1286
الجنس : ذكر
تاريخ الميلاد : 1-9-1995
الدعوات : 3
يتابعهم : 3
يتابعونه : 63
قوة السمعة : 7778
الاعجاب : 2215
 offline 
look/images/icons/i1.gif الحلقة الرابعة المتغيرات
المشاركة الأصلية كتبت بواسطة: عبدالجيد »
بارك الله فيك استاذ حسام
هذا من بعض ماعندكم
فنحن تلاميذك ونحاول أن نمشى على خطاك

وبارك الله فيك استاذ عبدالجيد
ما انا سوا طالب بسيط فى بحر علم الاكسل
وكل يوم اتعلم المزيد





19-02-2018 12:19 صباحا
مشاهدة مشاركة منفردة [9]
عمار ابو محمد
menu_open
عضو
rating
معلومات الكاتب ▼
تاريخ الإنضمام : 04-12-2017
رقم العضوية : 2105
المشاركات : 14
الجنس : ذكر
تاريخ الميلاد : 19-5-1980
يتابعهم : 5
يتابعونه : 0
قوة السمعة : 56
الاعجاب : 23
 offline 
look/images/icons/wub.gif الحلقة الرابعة المتغيرات
بوركتم عاى الشرح المميز

أثارت هذه المشاركة إعجاب: Eslam Abdullah، YasserKhalil،




22-02-2018 10:43 مساء
مشاهدة مشاركة منفردة [10]
YasserKhalil
menu_open عضوية موثقة
مراقب عام
rating
معلومات الكاتب ▼
تاريخ الإنضمام : 21-08-2017
رقم العضوية : 3
المشاركات : 5039
الجنس : ذكر
تاريخ الميلاد : 1-10-1978
الدعوات : 14
يتابعهم : 0
يتابعونه : 330
قوة السمعة : 14686
الاعجاب : 5482
 offline 
look/images/icons/i1.gif الحلقة الرابعة المتغيرات
بارك الله فيك أخي الحبيب إسلام

والرغي : شرط للإطلاع على الحلقات دي لأن دا كان اتفاق مسبق عليه في أول حلقة ، والهدف إزالة المخاوف للمقبلين على تعلم البرمجة وتقديم معلومات خفيفة بشكل مبسط ومفهوم ومهضوم يؤهل المتعلم للاعتماد على نفسه فيما بعد في فهم البرمجة والأكواد

تقبلوا وافر تقديري واحترامي

أثارت هذه المشاركة إعجاب: Eslam Abdullah،




22-02-2018 11:38 مساء
مشاهدة مشاركة منفردة [11]
Eslam Abdullah
menu_open
مشرف على لغات برمجة آخرى
rating
معلومات الكاتب ▼
تاريخ الإنضمام : 03-10-2017
رقم العضوية : 852
المشاركات : 1286
الجنس : ذكر
تاريخ الميلاد : 1-9-1995
الدعوات : 3
يتابعهم : 3
يتابعونه : 63
قوة السمعة : 7778
الاعجاب : 2215
 offline 
look/images/icons/i1.gif الحلقة الرابعة المتغيرات
المشاركة الأصلية كتبت بواسطة: YasserKhalil »
بارك الله فيك أخي الحبيب إسلام

والرغي : شرط للإطلاع على الحلقات دي لأن دا كان اتفاق مسبق عليه في أول حلقة ، والهدف إزالة المخاوف للمقبلين على تعلم البرمجة وتقديم معلومات خفيفة بشكل مبسط ومفهوم ومهضوم يؤهل المتعلم للاعتماد على نفسه فيما بعد في فهم البرمجة والأكواد

تقبلوا وافر تقديري واحترامي

حبيبى استاذ ياسر انا بهزر طبعا biggrin2 ، من وجهة نظرى اسلوب شرحك اكثر من رائع 3

أثارت هذه المشاركة إعجاب: YasserKhalil،




22-02-2018 11:53 مساء
مشاهدة مشاركة منفردة [12]
YasserKhalil
menu_open عضوية موثقة
مراقب عام
rating
معلومات الكاتب ▼
تاريخ الإنضمام : 21-08-2017
رقم العضوية : 3
المشاركات : 5039
الجنس : ذكر
تاريخ الميلاد : 1-10-1978
الدعوات : 14
يتابعهم : 0
يتابعونه : 330
قوة السمعة : 14686
الاعجاب : 5482
 offline 
look/images/icons/i1.gif الحلقة الرابعة المتغيرات
تسلم أخي الحبيب إسلام ومشكور على كلماتك الطيبة ..

في الحقيقة الشرح الكتابي ليس له جمهور مثل الفيديوهات ، ولكن التنوع في تقديم المعلومة مطلوب ، وكلنا يكمل بعضنا البعض ..

أثارت هذه المشاركة إعجاب: Eslam Abdullah،





المواضيع المتشابهه
عنوان الموضوع الكاتب الردود الزوار آخر رد
الحلقة الثانية الهيكلة العامة للكود Eslam Abdullah
4 394 fady_dd
سلسلة دروس مستفادة عن فيجوال بيزك اكسل _ الحلقة الأولى محمود الشريف
10 117 abuali
الحلقة الثالثة عشر مهارات الفرز والترتيب Eslam Abdullah
22 416 aboseaveen
الحلقة الثامنة النافذة الفورية Immediate Eslam Abdullah
15 682 محمود ابو الدهب
الحلقة الرابعة عشر الحلقات التكرارية Eslam Abdullah
4 182 YasserKhalil

الكلمات الدلالية
الحلقة ، الرابعة ،


 







اخلاء مسئولية: يخلى منتدى أكاديمية الصقر للتدريب مسئوليته عن اى مواضيع او مشاركات تندرج داخل الموقع ويحثكم على التواصل معنا ان كانت هناك اى إنتهاكات تتضمن اى انتهاك لحقوق الملكية الفكرية او الادبية لاى جهة - بالتواصل معنا من خلال نموذج مراسلة الإدارة .وسيتم اتخاذ الاجراءات اللازمة.
سياسة النشر: التعليقات المنشورة لا تعبر عن رأي منتدى أكاديمية الصقر للتدريب ولا نتحمل أي مسؤولية قانونية حيال ذلك ويتحمل كاتبها مسؤولية النشر.



الساعة الآن 05:31 مساء

أعلن هنا
أعلن هنا
أعلن هنا